en ch'ti mi dans le texte
AU RATTINDOT DES ROUCHES CONTERVINTS D'EL CINSE A L'TREN-NENNE
No visaine al' dimblot in veyint d'el tren-nenne, a quat fuelles a plout dins no pature.
A toute fin toute forche, y a follu qu'in li vinche un débout d'terre pou batir leu masonne au mitin d'en tren-nenne : tertout i dit par chi qu'el tren-nenne ch'est d'el rachenne ed' plaisi.
Ch'est chuq'i a donneu sin nom a no gite.
Amitin qu'min inter al' grin-ne mare a pissinrs et les kimps ,in vo rattint, au louache, dins no gite, cul a cul a no masonne.
Vos y s'reu benaches dins des meub's ed'no taïinrs-dins l'grin-ne campe, vo s'reu bin'a vo'n'aisse pou d'viseu in famil. Bin'a par, a'l'cuisine vos areu tout l'intrinkilache ed bidons pou l'miache: pis core, en'ne campe a part pou vou debarbouille, pou laveu vos loques brouseu, et tout pou l'basse campe.
Au guernieu, tros belles campes,avec tout chuqu'i fo pou êt'bin a l'coyete.
No villache, i est inter boulogne sur mer et le touquet : in a en'plache fin
prop'a hardelot du qu'vo poveu vos ewaquer et y trouveu des monchot d'amusemints : plo d'jeux d'balles, d'baquets a rames, et tout pou faire voleu vo dragon.
Les tiots aront leuz amusemints aussi.
I ara quéquin pou lieu z apprin-n-ne a s'ewaqueu tout seu, dins un bain d'sap' et pis , y'a par chi des tas d'voyietes pou vou dalleu in proumenade et tout cha sins rouleu boco a carette.
Vos poreu aussi faire un niquet au gardin pindint les parmidis, fin benache au rados du vint d'bise pou grisir au solew.
L'solew i s'coucquera toudis tro timpe a vo mode. Si vo n'voleu pot marcheu, dalleu'z'y a velo. I a chi chuq'i fot : vtt, vtc et deux velos pou les tiots.
Si vo voleu assaïeu el'miache ed'par chi, vo n'areu po d'russe a prin-ne du plaisi. Y achi grindmint d'taules a faire gince.
Pou les doupes, in'in d'visera insin-ne: in vo dira quoi !!!!
La : i a tros tarifs ed'saisons
- au pus fort des cojeu : juillè, aout
- au mitin d'saison : join , setimbe
- des courts jours toute qu'aux biaux jours : d'octobe tout'qu'a mai
et daronne saquo- pou en'ne , deux obin tros gins in sin-ne, c'hest monss'eq' pou quat, chonque et pus !!!
A ch't'heur' , si cha vo dit , v'neu no vir, in d'visera- I ara toudis en-ne goutte a chucheu : cha n's'rot foque en-ne jatte ed' chirloute !!!